今晚整砵酒蠔喇喂...好味~ 不過佢好唔上鏡~😂 #Kimmy仔Kitchen #Kimmy仔煮飯仔
1. 將蠔燙水30秒...抹乾後沾上生粉。
2. 燒熱牛油或生油...將蠔兩邊煎到金黃...盛起。
3. 用牛油起鑊...炒香蒜粒...
4. 放入1個乾葱頭(切絲)+半個紫洋蔥(切絲)...炒軟。
5. 加入1茶匙糖+1湯匙蠔油+1茶匙豉油+約80ML砵酒+ 鹽少許+胡椒粉少許兜勻。
6. 將汁料倒上蠔面...放入已預熱焗爐以200度焗5-10分鐘。完成✅
溫馨提示❤️
* 冇焗爐嘅話...可以煮好汁後直接放煎好嘅蠔入去兜至收汁
**今晚用3L大嘅廣島蠔...如用桶蠔則先燙水分1鐘
Search